कोल्हापूर: स्वातंत्र्यदिनाचे औचित्य साधून, गोकुळ शिरगाव एमआयडीसी येथे वस्ताद ग्रुप आणि राष्ट्रीय पुरोगामी पत्रकार संघातर्फे (जिल्हा कोल्हापूर) नागरिकांना जिलेबी वाटप करण्यात आले. या उपक्रमात प्रमुख पाहुण्यांनी स्वातंत्र्यदिनानिमित्त शुभेच्छा दिल्या आणि देशभक्तीपर विचार मांडले.
या कार्यक्रमाला महाराष्ट्र राज्य प्र अध्यक्ष दत्ता पाटील (वस्ताद), कोल्हापूर जिल्हा अध्यक्ष सतीश चव्हाण, पोलीस मित्र संघटना अध्यक्ष प्रशांत पाटील, क्रीडा शहाजी गायकवाड, सामाजिक कार्यकर्ते शिवाजी पाटील, विघ्नहर्ता डेव्हलपर्सचे युवा नेते संतोष जाधव, राजू घोरपडे, विशाल पाटील आणि जयदीप पाटील यांसारखे मान्यवर उपस्थित होते.
या वेळी बोलताना मान्यवरांनी स्वातंत्र्यदिनाचे महत्त्व विशद केले आणि देशासाठी त्याग केलेल्या स्वातंत्र्यसैनिकांना आदरांजली वाहिली. नागरिकांना जिलेबी वाटप करून या राष्ट्रीय सणाचा आनंद साजरा करण्यात आला. अशा सामाजिक उपक्रमातून वस्ताद ग्रुप आणि राष्ट्रीय पुरोगामी पत्रकार संघाने समाजात एक सकारात्मक संदेश दिला आहे.
