राधानगरी धरणाचे स्वयंचलित द्वार क्रमांक ३ बंद, ३ दरवाजे अजूनही सुरू!

राधानगरी (सलीम शेख ) : राधानगरी धरणाचे स्वयंचलित द्वार क्रमांक ३ आज, गुरुवार, २८ ऑगस्ट २०२५ रोजी सकाळी ११.०६ वाजता बंद झाले आहे. सध्या धरणाची इतर ३ स्वयंचलित द्वारे (क्रमांक ४, ५, आणि ६) अजूनही सुरू आहेत.
सध्या धरणातून एकूण ५७८४ क्युसेक पाण्याचा विसर्ग सुरू आहे. यामध्ये स्वयंचलित द्वारे क्रमांक ४, ५, आणि ६ मधून ४२८४ क्युसेक आणि धरणाच्या विद्युतगृहातून (BOT पॉवर हाऊस) १५०० क्युसेक पाण्याचा विसर्ग भोगावती नदीत सोडला जात आहे.
यामुळे नदीकाठच्या गावांना सतर्कतेचा इशारा देण्यात आला असून, नागरिकांनी नदीपात्रात किंवा आसपास जाऊ नये, असे आवाहन प्रशासनाने केले आहे.