कणेरी (इरफान मुल्ला) : नेहमीच सामाजिक उपक्रमात सहभागी असणाऱ्या अष्टविनायक तरुण मंडळ, कणेरी फाटा यांच्या वतीने येथील ऐतिहासिक तलावाची श्रमदानातून स्वच्छता करण्यात आली. या स्वच्छता मोहिमेत मंडळाचे महिला व पुरुष सदस्य मोठ्या संख्येने सहभागी झाले होते.
सध्या पावसाचे दिवस सुरू, असून,अनेक ठिकाणी पाणी साचले आहे. कणेरी गावातील तलावातही मोठ्या प्रमाणात जलपर्णी आणि कचरा साचला होता. यामुळे तलावातील पाणी दूषित होत होते. या समस्येची दखल घेत अष्टविनायक तरुण मंडळाने तलावाची जवळच असणाऱ्या स्मशान भूमीची स्वच्छता करण्याचे ठरवले.
या मोहिमेत मंडळाच्या सर्व सदस्यांनी सकाळी लवकर जमून तलावातील जलपर्णी, प्लास्टिक कचरा आणि इतर घाण बाहेर काढली. महिला सदस्यांनीही यात उत्साहाने सहभाग घेतला. सुमारे चार ते पाच तास चाललेल्या या श्रमदानातून तलावाचा परिसर स्वच्छ आणि सुंदर दिसू लागला आहे.
मंडळाचे ज्येष्ठ कार्यकर्ते म्हणाले, “आपल्या परिसराची स्वच्छता राखणे हे आपले कर्तव्य आहे. या उपक्रमामुळे गावातील नागरिकांना स्वच्छतेचे महत्त्व कळेल आणि तेही यात सहभागी होतील अशी आशा आहे.”
नेहमी या मंडळातर्फे असे सामाजिक उपक्रम होत असतात या पुढेही असेच सामाजिक उपक्रम राबवले जातील .तसेच स्मशान भूमीतील शेड जीर्ण असून स्थानिक प्रशासनाने लक्ष देऊन सुधारणा करावी,या पुढे तलावाच्या परिसरात कचरा होणार नाही याची योग्य ती व्यवस्था करावी अशी मागणीही करण्यात आली .
त्यांच्या या उपक्रमाचे गावकरी आणि परिसरातील नागरिक कौतुक करत आहेत.
अष्टविनायक तरुण मंडळाने राबवलेल्या या सामाजिक उपक्रमामुळे पर्यावरणाचे संरक्षण करण्यासोबतच सामाजिक बांधिलकीचे उत्तम उदाहरण घालून दिले आहे.
