महाप्रसाद रद्द करत रसद पाठवली मुंबईला – सुरुपली येथील गणेश मंडळाचा विधायक उपक्रम!
कागल (सलीम शेख ) : कागल तालुक्यातील सुरूपली येथील मंडळाने दरवर्षी प्रमाणे गणेशोत्सव काळातील महाप्रसादाचे आयोजन सुरूपली येथील श्री गणेश मंडळाने केले होते , पण सध्या महाराष्ट्रभर मराठा आरक्षण मागणीसाठी मुंबई येथे मनोज जरांगे पाटील यांनी आमरण उपोषण सुरू केले आहे , सद्यस्थितीत मुंबई मध्ये लाखो मराठा बांधव आंदोलनात सक्रिय सहभागी आहेत , त्यांना मदत म्हणून सुरूपली ता. कागल येथील श्री गणेश तरुण मंडळ आणि सकल मराठा समाज सुरूपली यांच्यावतीने महाप्रसाद रद्द करत त्याच पैशातून मुंबई येथील आझाद मैदानात उपस्थित आंदोलक मराठा बांधवांसाठी केळी , बिस्कीट , पाणी बॉटल बॉक्स हा शिधा मुरगुडचे लोकप्रिय माजी उपनगराध्यक्ष दगडू शेणवी यांच्या प्रमुख उपस्थितीत पीकअप भरून साहित्य मंडळाचे अध्यक्ष विठ्ठल पाटील , विजय डाफळे , महेश डाफळे , सर्जेराव पाटील , महेश सुतार , सोनबा डाफळे , विजय पाटील , निवृत्ती पाटील , मेजर अभिजित डाफळे , उमाजी खापरे , अमोल डाफळे , संदेश डाफळे यांच्यासह मुंबईकडे रवाना करण्यात आला
गणेशोत्सव काळात महाप्रसाद रद्द करत समाजाप्रती असलेली बांधिलकी आणि मराठा बांधवांप्रती असलेल्या सहवेदना जपत सुरूपली येथील श्री गणेश तरुण मंडळाने घेतलेल्या या उपक्रमाचे कौतुक होत आहे .
