कागल (सलीम शेख ) : अनंत रोटो येथे आठवडा बाजाराचा प्रारंभ आजपासून करण्यात आला असून, या उपक्रमामुळे स्थानिक नागरिकांना खरेदीसाठी एक नवे व्यासपीठ उपलब्ध झाले आहे. या बाजाराचे उद्घाटन महाराष्ट्र राज्याचे वैद्यकीय शिक्षण मंत्री हसनसो मुश्रीफ यांच्या हस्ते करण्यात आले.
प्रताप उर्फ भैया माने, कागल नगर पालिकेचे मुख्याधिकारी पाटणकर, तसेच प्रभागाचे नगरसेवक सतीश दादा घाडगे उपस्थित होते. या सर्व मान्यवरांच्या सहकार्यामुळे आठवडा बाजाराचे आयोजन यशस्वीपणे पार पडले.
स्थानिक नागरिकांनी या उपक्रमाचे स्वागत करत मान्यवरांचे मनःपूर्वक आभार मानले. बाजारामुळे परिसरातील व्यापाऱ्यांना व्यवसायाची संधी मिळणार असून नागरिकांना स्थानिक पातळीवर विविध वस्तू सहज उपलब्ध होणार आहेत.
आठवडा बाजारामुळे स्थानिक अर्थव्यवस्थेला चालना मिळणार.
