महाराष्ट्र ग्रामीण

कागल, गणेश नगर येथे भटक्या कुत्र्यांचा हैदोस; नागरिक भयभीत

कागल (सलीम शेख): येथील गणेश नगर परिसरात भटक्या कुत्र्यांनी थैमान घातल्यामुळे नागरिक हैराण झाले आहेत. दारात लावलेल्या वाहनांची तोडफोड करण्यापासून ते लहान मुलांच्या सुरक्षेला धोका निर्माण करण्यापर्यंत कुत्र्यांचा उपद्रव वाढला आहे. या कुत्र्यांचा वेळीच बंदोबस्त करण्याची मागणी येथील नागरिक करत आहेत.
सध्या गणेश नगरमधील नागरिकांनी दारात लावलेल्या वाहनांवर कुत्रे हल्ला करत आहेत. खाण्यासाठी काहीच मिळत नसल्याने कुत्रे वाहनांच्या सीटवर हल्ला करत आहेत आणि त्या फाडून नुकसान करत आहेत. येथील एका नागरिकाच्या दारात लावलेल्या ज्युपिटर गाडीची सीट कुत्र्यांनी पूर्णपणे फाडून टाकल्याची घटना नुकतीच घडली. ही सर्व घटना परिसरातील सीसीटीव्ही कॅमेऱ्यामध्ये कैद झाली आहे, त्यामुळे कुत्र्यांच्या उपद्रवाचा पुरावा नागरिकांकडे उपलब्ध आहे.
या परिसरातील मुख्य समस्या म्हणजे येथे ३ ते ४ शाळा आहेत. दुपारच्या वेळी शाळेला ये-जा करणाऱ्या लहान मुलांना या कुत्र्यांमुळे मोठा धोका निर्माण झाला आहे. मुलांना एकटे बाहेर पाठवण्याची भीती पालकांना सतावत आहे.
या गंभीर समस्येवर नगरपालिकेने त्वरित लक्ष घालावे, अशी जोरदार मागणी स्थानिक नागरिक करत आहेत. “एखाद्याची जीवितहानी झाल्यावरच नगरपालिका या कुत्र्यांचा बंदोबस्त करणार का?” असा संतप्त सवाल येथील नागरिक विचारत आहेत. नागरिकांनी नगरपालिकेला या समस्येची गंभीर दखल घेऊन लवकरात लवकर उपाययोजना करण्याची विनंती केली आहे, जेणेकरून भविष्यात कोणतीही अप्रिय घटना घडणार नाही.

Related Articles

Leave a Reply

Your email address will not be published. Required fields are marked *

Back to top button