निपाणी-फोंडा राज्यमार्गाची दुर्दशा; दोन वर्षांतच रस्ता खचला, सार्वजनिक बांधकाम विभाग व ठेकेदारावर कारवाईची मागणी!
मुरगूड (प्रतिनिधी: शिकंदर जमादार): मुरगूड निपाणी-फोंडा राज्य मार्ग दोन वर्षांपूर्वी सिमेंट काँक्रिटी व डांबरी रस्ता करण्यात आला होता. मात्र, वेदगंगाच्या पुलाजवळ निढोरी गावाजवळ रस्ता खचला आहे आणि सिमेंट काँक्रेटच्या रस्त्याला भेगा पडल्या आहेत. या रस्त्याच्या दुर्दशेमुळे वाहनधारकांना त्रास होत आहे आणि रस्त्याच्या सुरक्षिततेवर प्रश्नचिन्ह निर्माण झाले आहे. सिमेंट काँक्रीट व डांबरी रस्त्याची अक्षरशः चाळण झाली आहे. जनतेच्या पैशाची अक्षरशः लूट झाली आहे असे दिसून येत आहे. घाई गडबडीत पूर्ण केलेला हा रस्ता म्हणजे निकृष्ट कामाचा आदर्श नमुना असल्याची संतप्त प्रतिक्रिया व्यक्त होत आहे.
निपाणी-फोंडा राज्य मार्गाच्या कामावर प्रश्नचिन्ह निर्माण झाले आहे. कोट्यावधी रुपये खर्च करून हा रस्ता तयार करण्यात आला होता. मात्र, दोन वर्षांतच रस्त्याची अवस्था खालावल्याने या कामाच्या गुणवत्तेवर प्रश्नचिन्ह निर्माण झाले आहे.
या रस्त्याच्या कामात झालेल्या भ्रष्टाचार व हलगर्जीपणामुळे ग्रामस्थांमध्ये तीव्र नाराजी आहे प्रशासनाने याकडे गांभीर्याने लक्ष देऊन संबंधित ठेकेदार व अधिकाऱ्यावर योग्य ती कारवाई करावी. जनतेला हा प्रश्न पडला आहे की प्रशासनाचा जावई आहे का ठेकेदार ? तसेच वेदगंगाच्या पुलाच्या दोन्ही बाजूला जो पुर्वी चा भरावा आहे त्या भराव्यावर दगडी पिचिंग केले आहे. आणि पुर्वीच्या तुलनेत किती तरी पटीने वाहतूक वाढली आहे . त्यामुळे जो निपाणी फोंडा रोड वारवार खचला जातो यासाठी रस्ता खचू नये म्हणून ठेकेदार कंपनीने एक काळजी घ्यायला हवी होती. ती रस्त्याच्या दोन्ही बाजूला भरावा आहे त्या ठिकाणी संरक्षण कठडा बांधला असतातर वेदगंगा नदी च्या दोन्ही बाजूला रस्ता खचलाच नसता . मग ही जबाबदारी कोणाची एकच चर्चा चालू आहे. सार्वजनिक बांधकाम विभाग आणि जितेद्रसिंह कंपनी यांच्यावर कारवाई व्हावी अशी मागणी जोर धरू लागली आहे. रस्त्याच्या दुर्दशेमुळे नागरिकांना होणारा त्रास आणि आर्थिक नुकसान लक्षात घेता, जबाबदार कारवाई होणे आवश्यक आहे.
तसेच मुधाळतिट्टा ते शिंदेवाडी पर्यंत बांधलेली साईट गटर सुद्धा काय यांना पुरस्काराने सन्मानित करणारे आहे. त्या गटार ला लेव्हल नाही की त्या गटरवर टाकलेले स्लॅप अनेक ठिकाणी तुटलेले आहेत. स्लॅपची जाडी अनेक ठिकाणी वेगवेगळी आहे. कुठे 3 इंच कुठे 4 इंच तर कुठे 5 इंच अशी हरहुन्नरी लेवल ठेकेदार कंपनी आणि अधिकारी यांच्या त झालेला करारच वाटल्या शिवाय राहत नाही.
निपाणी-फोंडा राजमार्गाची अवस्था सुधारण्यासाठी आणि जबाबदार अधिकाऱ्यावर कारवाई स्थानिक नागरिक आणि जनप्रतिनिधींनी मागणी केली आहे. रिपब्लिकन पार्टी ऑफ इंडिया (आठवले) पक्षाच्या वतीने सतीश माळगे यांच्या मार्गदर्शनाखाली व जागृत मालक फाउंडेशनच्या वतीने सार्वजनिक बांधकाम विभागाकडे तक्रार केली असून संबंधित अधिकाऱ्यावर व क्वालिटी कंट्रोलची चौकशी करावी अशी मागणी केली आहे अन्यथा आंदोलन करण्याच्या इशारा दिला आहे. यावेळी जागृत मालक फाउंडेशन जिल्हाध्यक्ष-शिकंदर जमादार, बाळासो कांबळे, रुस्तमखान जमादार, प्रदीप वर्णे, सिकंदर जमादार (पापा) उपस्थित होते.
