पट्टणकडोली (सलीम शेख ): गणपती मंदिर, अलाटवाडी येथे प्राथमिक आरोग्य केंद्र पट्टणकोडोली आणि डॉ. कृष्णाजी मसुरकर युवाशक्ती अलाटवाडी यांच्या संयुक्त विद्यमाने भव्य मोफत आरोग्य शिबिराचे आयोजन करण्यात आले. या शिबिराचे उद्घाटन यशश्री मसुरकर मॅडम (अध्यक्ष, स्वर्गीय पुष्पादेवी मसुरकर फाउंडेशन) यांच्या हस्ते संपन्न झाले.
शिबिरात विविध आरोग्य तपासण्या व सेवांचा लाभ नागरिकांनी घेतला. डॉ. विजय डावरे यांनी रुग्णांची तपासणी केली आणि किरकोळ आजारांवर जागेवरच औषधोपचार करण्यात आले.
शिबिरातील सेवा व तपासण्या:
– एकूण बाह्यरुग्ण तपासणी: ७४
– ECG तपासणी: १०
– अवयदान नोंदणी: १४
– आभा कार्ड नोंदणी: १७
– गोल्डन कार्ड नोंदणी: ०७
– शुगर तपासणी: २५
– BP तपासणी: ७४
या शिबिराच्या यशस्वी आयोजनासाठी तालुका आरोग्य अधिकारी डॉ. दातार साहेब यांच्या मार्गदर्शनाखाली डॉ. देवयानी पाटील, डॉ. वैष्णवी घाडगे, तसेच आरोग्य सहाय्यक एस.आर. माने, सुभाष कांबळे, आरोग्य सेवक विकास सोनुले, राहुल पोवार, प्रणव भोपळे, आरोग्य सेविका कोमल कांबळे, अनिता यादव, लॅब टेक्निशियन कोमल कांबळे, गटप्रवर्तक राधिका घाडगे, वाहन चालक अमोल ढोले आणि सर्व आशा स्वयंसेविका यांनी मोलाचे योगदान दिले.
युवाशक्ती तरुण मंडळाचे विकी जाधव, चंद्रकांत मोरे, अंकुश आडके, ओंकार केळुसकर व इतर कार्यकर्त्यांनी परिश्रमपूर्वक सहभाग घेतला.
सर्वांच्या सहकार्यामुळे हे शिबिर अत्यंत यशस्वीपणे पार पडले.
