राधानगरी धरणाचे स्वयंचलित द्वार क्रमांक 3 बंद; नदीपात्रात 2928 क्यूसेक पाण्याचा विसर्ग सुरू

राधानगरी (सलीम शेख ) : दिनांक २ सप्टेंबर २०२५ रात्री 9.54 वाजता राधानगरी धरणाचे स्वयंचलित द्वार क्रमांक 3 बंद झाले आहे. सध्या धरणाचे फक्त एकच द्वार (क्रमांक 6) उघडले असून, त्यातून पाण्याचा विसर्ग सुरू आहे.
धरणाच्या 6 व्या क्रमांकाच्या स्वयंचलित दरवाजातून 1428 क्यूसेक पाण्याचा विसर्ग होत आहे, तर धरणाच्या पायथ्याशी असलेल्या बोट पॉवर हाऊसमधून 1500 क्यूसेक पाण्याचा विसर्ग सुरू आहे. यामुळे सध्या पंचगंगा नदीच्या पात्रात एकूण 2928 क्यूसेक इतका विसर्ग सुरू आहे.
धरणातून होणारा विसर्ग आणि सद्यस्थिती पाहता, नदीकाठच्या गावांनी सतर्क राहावे, असे आवाहन प्रशासनाने केले आहे.