कागल (कोटा न्यूज नेटवर्क): स्व. दिलीपरावजी सणगर यांनी स्थापन केलेल्या गहिनीनाथ सहकार समूहाच्या विविध सहकार संस्थांकडून सभासदांना दिवाळी व गहिनीनाथ गैबीपीर उरुसा निमित्त भरघोस बोनस व डिव्हिडंडचे वाटप करण्यात आल्याची माहिती समूहाचे अध्यक्ष सम्राट सणगर यांनी दिली.
गहिनीनाथ विविध कार्यकारी सेवा विकास सहकार संस्थेकडून सभासदांना 60 टक्के लाभांशचे वाटप करण्यात आले. यावेळी विकास संस्थेचे चेअरमन, व्हाईस चेअरमन, संचालक, सभासद यांच्यासह सचिव महेश मगदूम उपस्थित होते.
मान. दिलीपरावजी सणगर नागरी सहकार पतसंस्थेकडून सभासदांना ९ टक्के लाभांशचे वाटप करण्यात आले असल्याची माहिती संस्थेच्या व्यवस्थापिका सौ सुवर्णा कचरे यांनी दिली.
गहिनीनाथ सहकार दूध व्याव. संस्थेकडून सर्व दूध उत्पादकांना संस्था चेअरमन अमर सणगर, व्हाईस चेअरमन बाळगोंड मगदूम, संचालक अशोक केसरकर, सम्राट सणगर, मारुती शेंडे व यशवंत डोणे यांच्या उपस्थितीत बोनसचे वाटप करण्यात आले. विशेष म्हणजे कागल शहरातील इतर दूध संस्थांपेक्षा सर्वाधिक म्हणजे म्हैस दुधास 6.50 रु. व गाय दुधास 2 रु. याप्रमाणे फरक वाटप केला असल्याची माहिती चेअरमन अमर सणगर यांनी दिली.
याचप्रमाणे गहिनीनाथ सहकार समूहाच्या इतर संस्थांनी देखील सभासदांना बोनसचे वाटप केले. यावेळी सर्व संस्थांचे पदाधिकारी, संचालक, सभासद व कर्मचारी उपस्थित होते.
