शिवचरण उज्जैनकर फाउंडेशनच्या कोल्हापूर जिल्हा कार्यकारिणीची घोषणा: वृक्षमित्र प्रवीण सूर्यवंशी जिल्हाध्यक्ष!
कागल (प्रतिनिधी: बाळासो कांबळे): शिवचरण उज्जैनकर फाउंडेशन, मुक्ताईनगर (जि. जळगाव) यांच्या वतीने कोल्हापूर जिल्हा कार्यकारिणी नुकतीच जाहीर करण्यात आली आहे. यात पर्यावरणप्रेमी आणि सामाजिक कार्यकर्ते, तसेच शिवराज विद्यालय ज्युनिअर कॉलेज, मुरगूडचे उपमुख्याध्यापक वृक्षमित्र प्रवीण पांडुरंग सूर्यवंशी यांची कोल्हापूर जिल्हा अध्यक्षपदी निवड करण्यात आली आहे. त्यांच्यासोबतच संदीप शामराव मुसळे यांची सचिवपदी निवड करण्यात आली आहे.झूम बैठकीत झाली घोषणासंस्थेचे संस्थापक अध्यक्ष डॉ. शिवचरण उज्जैनकर यांच्या अध्यक्षतेखाली झालेल्या एका ‘झूम मीटिंग’मध्ये ही निवड प्रक्रिया पार पडली. साहित्य, वक्तृत्व, शैक्षणिक आणि सामाजिक अशा विविध क्षेत्रांमध्ये उल्लेखनीय कार्य करणाऱ्या या फाउंडेशनचे कार्य महाराष्ट्रातील एकूण १५ जिल्ह्यांमध्ये चालते. फाउंडेशनच्या राज्य कार्यकारिणीच्या सभेत विविध जिल्ह्यांच्या नूतन कार्यकारिणींची निवड करण्यात आली.कोल्हापूर जिल्हा कार्यकारिणीतील पदाधिकारीनवनियुक्त कोल्हापूर जिल्हा कार्यकारिणीतील पदाधिकारी पुढीलप्रमाणे आहेत:
जिल्हाध्यक्ष वृक्षमित्र श्री. प्रवीण पांडुरंग सूर्यवंशी
सचिवश्री. संदीप शामराव मुसळे
कार्याध्यक्ष श्री. जयवंत दरेकर
सल्लागारश्रीमती नंदा आनंदा लाड
उपाध्यक्ष श्री. प्रशांत जाधव
महिला उपाध्यक्ष अश्विनी अधिक तेली
संपर्क प्रमुख श्रीमती पुष्पावती जयवंत दरेकर
समन्वयक सौ. प्रणिता चंद्रकांत तेली
प्रसिद्धी प्रमुखआरती अनिल लाटणे
सल्लागार श्री. दिनकर गुरव, गडहिंग्लज
या कार्यकारिणीच्या निवडीसाठी फाउंडेशनचे राज्य संयुक्त सचिव आणि राष्ट्रपती पुरस्कार प्राप्त डॉ. मारुती गणपती गुरव यांचे विशेष सहकार्य लाभले.इतर महत्त्वाच्या निवडी आणि चर्चाया बैठकीमध्ये फाउंडेशनच्या चौथ्या अखिल भारतीय शिव मराठी साहित्य संमेलनाच्या पार्श्वभूमीवर महत्त्वपूर्ण चर्चा करण्यात आली. हे संमेलन त्र्यंबकेश्वर, जि. नाशिक येथे होणार आहे. यावेळी संस्थापक अध्यक्ष डॉ. शिवचरण उज्जैनकर यांनी फाउंडेशनतर्फे वर्षातून दोन संमेलने आयोजित केली जाणार असल्याचे स्पष्ट केले.याप्रसंगी इतरही राज्यस्तरीय पदाधिकाऱ्यांच्या निवडी जाहीर करण्यात आल्या:छत्रपती संभाजीनगर येथील सौ. मीनाक्षी प्रमोद राऊत यांची छत्रपती संभाजीनगर जिल्हा समन्वयक पदी निवड करण्यात आली.कोल्हापूर येथील प्रा. डॉ. सविता अशोक व्हटकर यांची पश्चिम महाराष्ट्र विभागीय संपर्कप्रमुख पदी निवड करण्यात आल्याची घोषणा डॉ. शिवचरण उज्जैनकर यांनी केली.सभेचे विषय वाचन फाउंडेशनचे उत्तर महाराष्ट्र विभागीय सचिव श्री. गणेश कोळी यांनी केले आणि त्यांनीच उपस्थितांचे आभार मानले. या बैठकीला राज्य, विभागीय आणि १५ जिल्ह्यातील पदाधिकारी उपस्थित होते.
