महाराष्ट्र ग्रामीण

उजळाईवाडीत महिलेकडे चैन हिसकावण्याची घटना गोकुळ शिरगाव पोलिसांत गुन्हा दाखल!

गोकुळ शिरगाव (इरफान मुल्ला) : उजळाईवाडी (ता. करवीर) परिसरात पायी घरी जात असलेल्या एका महिलेकडील सोन्याचा दागिना हिसकावून दोन अनोळखी इसमांनी पलायन केल्याची घटना घडली आहे. या प्रकरणी गोकुळ शिरगाव पोलिस ठाण्यात गुन्हा नोंदवण्यात आला आहे. पोलिसांकडून मिळालेल्या माहितीनुसार, गुरुवार दि. 13 नोव्हेंबर 2025 रोजी सायंकाळी सुमारे 7.15 वाजता संबंधित महिला दूध घेऊन घरी जात असताना गिरीबुवा मंदिर, उजळाईवाडी परिसरात मोटारसायकलवरून आलेल्या दोन अनोळखी इसमांनी तिच्याजवळ येत दिशाविषयक माहिती विचारण्याचा बहाणा केला. त्यानंतर पाठीमागे बसलेल्या युवकाने अचानक तिच्या गळ्यातील सुमारे दीड तोळे वजनाचा आणि अंदाजे 80,000 रुपये किमतीचा सोन्याचा ‘घंटण’ हिसकावून घेतला. आरोपी दोघेही मोटारसायकलवरून भरधाव वेगात उजळाईदेवी मंदिराच्या दिशेने पसार झाले. घटनेची माहिती मिळताच पोलीस यंत्रणा तातडीने सक्रिय झाली. उपविभागीय पोलीस अधिकारी सुजितकुमार क्षीरसागर, पोलीस निरीक्षक रविंद्र कळमकर (स्थानिक गुन्हे अन्वेषण शाखा, कोल्हापूर) व त्यांचे पथक तसेच सहाय्यक पोलीस निरीक्षक टी. जे. मगदुम (गोकुळ शिरगाव पोलिस ठाणे) व डीबी पथक यांनी घटनास्थळी भेट देऊन पंचनामा केला. परिसरातील हालचालींचा तपास सुरू असून सीसीटीव्ही फुटेज मिळवण्याचे काम सुरू आहे.
या प्रकरणी पुढील तपास सहाय्यक फौजदार भवारी करीत आहेत.

Related Articles

Leave a Reply

Your email address will not be published. Required fields are marked *

Back to top button