कागल चेक पोस्ट धोकादायक! ‘क्रॉसिंग’मुळे अपघाताची शक्यता, वाहनधारकांकडून उपाययोजनांची मागणी!
कागल (सलीम शेख ) : कागल येथून निपाणी-बेळगाव मार्गावर जाताना कागल चेक पोस्टमधून बाहेर पडणाऱ्या रस्त्यावर अपघाताचा गंभीर धोका निर्माण झाला आहे. चेक पोस्टमधून बाहेर येताना रस्ता क्रॉस करताना दोन्ही बाजूने येणाऱ्या वाहनांमुळे वारंवार अपघात होण्याची किंवा मोठे अपघात होता होता वाचल्याची घटना घडत आहे.
कागल चेक पोस्टमधून महामार्गावर प्रवेश करताना, वाहनांना रस्त्याच्या मध्यभागी क्रॉसिंग करावी लागते. याचवेळी कागल चेक पोस्ट होऊन बाहेर मुख्य रस्त्या निपाणी- बेळगावकडे जाणारी वाहने वेगात येतात, तेव्हा दोन्ही बाजूच्या गाड्या अगदी अमोरासमोर येत आहेत. यामुळे अनेकदा मोठे कंटेनर, ट्रक तसेच फोर व्हीलर आणि टू व्हीलर वाहनांमध्ये धडक होण्याची शक्यता निर्माण होते.
गेल्या शनिवारी येथे एका फोर व्हीलर आणि कंटेनरची जोरदार धडक होता होता वाचली. या घटनेमुळे दोन्ही वाहनधारकांमध्ये मोठा वादही झाला. या सततच्या ‘जवळच्या धक्क्या’मुळे प्रवाशांमध्ये भीतीचे वातावरण आहे.या अपघाती स्थितीमुळे त्रस्त झालेल्या वाहनधारकांनी प्रशासनाकडे तातडीने उपाययोजना करण्याची मागणी केली आहे. त्यांच्या प्रमुख मागण्या स्पीड लिमिट निश्चित करणे.हा भाग ‘अपघाती क्षेत्र’ म्हणून घोषित करणे आणि तसे फलक लावणे.पुढे वळण आहे’ असे सूचना फलक लावणे.वाहनांना सुरक्षित अंतर राखता यावे यासाठी रस्त्यावर पांढरे पट्टे मारणे असे फलक लावावे अशी मागणी वाहनधारकातून होते.
या वाढत्या धोक्याबाबत स्थानिक प्रशासनाशी संपर्क साधला असता, त्यांनी या गंभीर समस्येची दखल घेतली असल्याचे सांगितले. तसेच, येत्या काही दिवसांत यावर योग्य तोडगा काढला जाईल आणि आवश्यक उपाययोजना केल्या जातील, असे आश्वासन प्रशासनाच्या वतीने देण्यात आले आहे. प्रशासनाने तातडीने उपाययोजना करावी, अशी मागणी वाहनधारक करत आहेत जेणेकरून भविष्यात होणारे मोठे अपघात टळू शकतील.
