कणेरीवाडी येथे कर्नाटकचा ट्रक उलटला; सहापदरी रस्त्याच्या अपूर्ण कामामुळे नागरिकांमध्ये तीव्र संताप!

कणेरीवाडी (इरफान मुल्ला) : कर्नाटकहून कोल्हापूरच्या दिशेने जाणारा एक मालवाहू ट्रक क्रमांक के.ए.०१.डी ५४८६ कणेरीवाडी येथील जुन्या हॉटेल जय हिंदजवळच्या पेट्रोल पंपामध्ये डिझेल भरून बाहेर पडताना राष्ट्रीय महामार्गावर पलटी झाला. या अपघातामुळे परिसरातील नागरिकांमध्ये आणि वाहनधारकांमध्ये महामार्गाचे काम करणाऱ्या प्रशासनाविरुद्ध तीव्र रोष व्यक्त करण्यात येत आहे.अपघाताचे नेमके कारण
ट्रकचालकाने पेट्रोल पंपातून डिझेल भरले आणि तो महामार्गाच्या सर्व्हिस रस्त्यावरून मुख्य सहापदरी रस्त्यावर येत असताना हा अपघात घडला. स्थानिकांच्या म्हणण्यानुसार, सर्व्हिस रोडची उंची मुख्य रस्त्यापेक्षा जास्त असल्यामुळे आणि सहापदरी महामार्गाचे काम अपूर्ण अवस्थेत असल्यामुळे, ट्रक रस्त्यावर पलटी झाला.कणेरीवाडी परिसरातील स्थानिक नागरिक, व्यावसायिक आणि महामार्गावरून प्रवास करणारे वाहनधारक गेल्या अनेक दिवसांपासून या अपूर्ण आणि सदोष रस्ते बांधणीमुळे त्रस्त झाले आहे. रस्ताची रचना सदोष असल्यामुळे या ठिकाणी वारंवार अपघात घडत आहेत. प्रत्येक अपघातामुळे नागरिकांचे मोठे आर्थिक नुकसान होत आहे, तसेच जीवित हानीची भीतीही वाढली आहे. नागरिकांचा प्रशासनावर संताप
या अपघातानंतर वाहनधारक, स्थानिक नागरिक आणि व्यावसायिक यांनी एकत्र येत रस्ता बांधणी करणाऱ्या प्रशासनावर तीव्र नाराजी व्यक्त केली आहे. “या सहापदरी रस्त्याचे काम तातडीने पूर्ण करा आणि सर्व्हिस रोडची रचना सुरक्षित करा,” अशी मागणी त्यांनी केली आहे.स्थानिक नागरिक म्हणाले, “प्रशासनाच्या हलगर्जीपणामुळे रोज अपघात होत आहेत. मोठ्या नुकसानीची वाट न पाहता प्रशासनाने लवकरात लवकर रस्त्याचे काम पूर्ण करावे, अन्यथा आम्हाला तीव्र आंदोलन छेडावे लागेल.”असा इशारा स्थानिक नागरिक शंकर खोत (एस के) अध्यक्ष शिवसेना उबाठा खोकीधारक संघटना यांनी दिली.हा वारंवार होणारा धोका टाळण्यासाठी प्रशासनाने तातडीने लक्ष देऊन रस्त्याच्या त्रुटी दूर कराव्यात आणि अपूर्ण काम लवकरात लवकर पूर्ण करावे, अशी मागणी सर्व स्तरातून  जोर धरत आहे.