कणेरीवाडी (इरफान मुल्ला) : गोकुळ शिरगाव औद्योगिक वसाहत मध्ये आज दि.२७ मे रोजी दिवसभर कोसळणाऱ्या संततधार पावसामुळे गोकुळ शिरगाव पोलीस ठाण्यासमोर असलेले एक मोठे जीर्ण झाड रस्त्यावर कोसळले. यामुळे काही काळ वाहतूक विस्कळीत झाली होती, मात्र कोणतीही जीवितहानी किंवा वित्तहानी झाली नाही.
घटनेची माहिती मिळताच, औद्योगिक वसाहत कामगारनी तात्काळ घटनास्थळी धाव घेतली आणि वाहतुकीसाठी पर्यायी व्यवस्था केली. जेसीबीच्या साहाय्याने हे झाड तातडीने रस्त्याच्या बाजूला हटवण्यात आले, त्यामुळे वाहतूक लवकरच पूर्ववत झाली. पावसामुळे झाड कमकुवत झाल्याने ते कोसळल्याचे सांगण्यात येत आहे.
