पंतप्रधानांचे कार्य आणि ‘ऑपरेशन’ सिंधूरचा प्रचार करत देशभरात सायकल यात्रा करणाऱ्या दीपक शर्मा यांचे कोल्हापुरात स्वागत
कोल्हापूर (सलीम शेख ) : पंतप्रधान नरेंद्र मोदी यांची कामगिरी, ‘ऑपरेशन’ सिंधूरची यशस्वीता आणि ‘चार धाम यात्रा संकल्प’ यांचा प्रचार करण्यासाठी देशभरात सायकलने प्रवास करत असलेले दीपक शर्मा यांचे कोल्हापुरातील शिवतीर्थावर (छत्रपती शिवाजी महाराज चौक) हिंदुत्वनिष्ठांनी उत्साहात स्वागत केले.
हरियाणातील पानिपतचे रहिवासी असलेले दीपक शर्मा सध्या आपल्या सायकल यात्रेदरम्यान महाराष्ट्रात आहेत. त्यांच्या कोल्हापूर दौऱ्यात विविध हिंदुत्ववादी संघटनांच्या प्रतिनिधींनी त्यांचे स्वागत करून त्यांना पुढील वाटचालीस शुभेच्छा दिल्या.
यावेळी हिंदू महासभेचे जिल्हाध्यक्ष राजेंद्र तोरस्कर, उपाध्यक्ष विकास जाधव, शिवसेनेचे उपजिल्हाप्रमुख किशोर घाटगे, हिंदू एकता आंदोलनाचे जिल्हाध्यक्ष दीपक देसाई, शहराध्यक्ष गजानन तोडकर, ‘महाराजा प्रतिष्ठान’चे निरंजन शिंदे, हिंदु जनजागृती समितीचे महेंद्र अहिरे आणि आदित्य शास्त्री यांच्यासह प्रकाश घाटगे, नचिकेत भुरके, अजय सोनवणे, प्रदीप पाटील, अनिरुद्ध कोल्हापुरे, उद्योजक प्रसन्न शिंदे आणि अन्य पदाधिकारी व कार्यकर्ते उपस्थित होते.
