अल्पवयीन मुलास वाहन चालविण्यास दिल्याबद्दल पालकावर गुन्हा दाखल गोकुळ शिरगाव पोलीस ठाण्याची कारवाई!
गोकुळ शिरगाव (इरफान मुल्ला) : पोलीस अधीक्षक, कोल्हापूर योगेशकुमार गुप्ता यांच्या सूचनेनुसार, गोकुळ शिरगाव पोलीस ठाणे हद्दीत अल्पवयीन मुलांनी वाहन चालविल्याबद्दल त्यांच्या पालकांवर कारवाई करण्यात आली आहे.
दिनांक २०/१०/२०२५ रोजी सायंकाळी ६.०० वाजेच्या सुमारास, विमानतळ रोड, उजळाईवाडी, ता. करवीर येथे गोकुळ शिरगाव पोलीस ठाण्याचे पोलीस अंमलदार पेट्रोलिंग करत असताना, अल्पवयीन मुलगा एमएच ०९ जीआर ४८८१ क्रमांकाचे वाहन चालवताना आढळून आला.
याप्रकरणी पोलीस हवालदार एस.बी. कुंभार यांनी फिर्याद दिली. अल्पवयीन मुलास वाहन चालविण्यास दिल्याबद्दल त्याचे पालक तामगाव तालुका करवीर यांच्याविरुद्ध गुन्हा दाखल करण्यात आला आहे. अल्पवयीन मुलास गाडी चालवण्यास दिल्याबद्दल पालकावरचा खटला न्यायालयात रवाना करण्यात आलेला आहे.
ही कारवाई पोलीस अधीक्षक योगेशकुमार गुप्ता, अपर पोलीस अधीक्षक, शहर विभाग, डॉ. धिरजकुमार बच्चु, आणि मा. उपविभागीय पोलीस अधिकारी, करवीर विभाग, कोल्हापूर, सुजीतकुमार क्षीरसागर, यांच्या मार्गदर्शनाखाली सहा. पोलीस निरीक्षक, टि.जे मगदुम , कुंभार, काकडे यांनी केली आहे.
